31901 - Sector cunícola

Recóllense e difúndense as principais características do sector cunícola -efectivos e explotacións- na Comunidade Autónoma de Galicia. Inclúese non só a obtención de datos censais, senón que se amplía o campo de estudo a subsectores relacionados coas fábricas de pensos compostos para coellos e os matadoiros que realizan sacrificios deste tipo de animais.Os obxectivos propostos pódense dividir en estatísticos e de análise sectorial:

Obxectivos estatísticos:

• Cálculo da produción, consumo, evolución e transferencias interrexionais de pensos compostos para coellos.
• Cálculo do volume de sacrificios, consumo de carne de coello, evolución, transferencias interrexionais de animais en vivo e de canais de animais sacrificados.
• Cálculo do censo cunícola e produción de carne de coello.

Obxectivos de análise sectorial:

• Análise conxunta dos resultados estatísticos obtidos, realizando as comparacións necesarias para comprobar a súa fiabilidade.
• Detección dos factores que poden condicionar o desenvolvemento da cunicultura en xeral.

Máis información no Instituto Galego de Estatística