Recolle os datos de sacrificio de gando nos matadoiros da comunidade autónoma e o destino desta carne. A información estatística elabórase mensualmente para as principais especies gandeiras (bovino, porcino, ovino, cabrún, equino, aves e coellos), mediante enquisa a matadoiros para a carne que se considere apta para o consumo humano.

Dentro de cada especie investígase o seu número, peso total, consumo directo e consumo industrial.

Para a elaboración das enquisas de sacrificio de gando en matadoiros, considéranse becerros os animais de ambos dous sexos cun peso en canal inferior a 170 kg; son xovencas as femias de máis de 170 kg que nunca pariron; as vacas son as femias de máis de 170 kg que xa pariron e os touros, os machos de máis de 170 kg canal, incluíndo os bois.

Máis información no Instituto Galego de Estatística