Promoción de produtos agroalimentarios
Incentívase as actuacións de información e promoción nas que o fin é inducir o consumidor a adquirir produtos incluídos no marco de programas de calidade diferenciada dos alimentos. Preténdense salientar as características ou as vantaxes destes produtos, especialmente a calidade, os métodos de produción ou as estritas normas aplicadas para garantir o benestar dos animais e o respecto do ambiente.
Foméntanse a organización de feiras e exposicións e a participación nelas, así como actividades similares de relacións públicas e publicidade nos diversos medios de comunicación ou nos puntos de venda.
Promoción e comercialización dos produtos agroalimentarios galegos
Estas axudas van dirixidas ás empresas agrarias e agroalimentarias, excluídas as do sector forestal e de alimentación animal, que cumpran os seguintes requisitos:
- Que teñan como actividade maioritaria a elaboración e/ou comercialización de produtos agrarios ou agroalimentarios galegos. As materias primas utilizadas pola empresa deben ser agrarias maioritariamente (máis do 50%). Non serán subvencionables as empresas que teñan como actividade maioritaria o comercio por xunto ou polo miúdo nin a distribución, salvo que estean participadas maioritariamente por produtores ou elaboradores de Galicia.
- Que figuren inscritas no Rexistro de Industrias Agrarias ou de Actividades Catalogables cando sexa preceptivo.
- Que teñan o seu domicilio social en Galicia.
As axudas consistirán en subvencións de ata o 60% dos investimentos considerados como subvencionables.
- Material divulgativo e promocional.
- Participación en certames comerciais.
- Estudos e asistencias técnicas.
- Formación.
- Contratación de persoal.
Consulte a convocatoria na seguinte ligazón:
Axudas para a promoción e mellora da da comercialización dos produtos agroalimentarios galegos
