Incorporación de novos activos
A incorporación de poboación nova e capacitada ás explotacións é unha das mellores vías para estimular a introdución da I+D+i e a mellora dos sistemas produtivos e, polo tanto, para garantir a continuidade da actividade agraria no noso País.
Un agricultor ou agricultora nova poderase dar de alta como titular exclusivo, cotitular ou socio dunha determinada explotación, tanto a tempo parcial como total.
A axuda á primeira instalación de agricultores/as mozos/as, dirixidas a auxiliar gastos e investimentos derivados dela consistirá en:
- Unha prima por explotación, nunha contía máxima de 20.000 euros que se poderá substituír, total ou parcialmente, por unha bonificación de xuro equivalente.
- Unha bonificación de xuros, que poderá aplicarse sobre o xuro preferente na súa totalidade, por un importe non superior a 20.000 euros dun préstamo formalizado no marco do convenio financeiro establecido entre a Consellería do Medio Rural e do Mar e as entidades financeiras, cuxo importe non poderá superar o 90% do gasto total e será compatible coas axudas do número 1.
A contía máxima de axuda expresadas anteriormente poderanse incrementar nun 10% nos seguintes casos:
- Cando se xere na explotación, polo menos, 1 UTA asalariada adicional á do/a mozo/a que se instala
- Cando a explotación estea situada en zonas desfavorecidas
- Cando o mozo teña aprobado un Contrato de Explotación Sustentable
Consulte a convocatoria na seguinte ligazón:
Mellora da eficacia e sustentabilidade das explotacións agrarias e incorporación de novos activos
