Inicio >> Áreas >> Investigación e formación >> Laboratorios de servizo >> Estación de viticultura e enoloxía >> Actividades
Actividades da Estación de viticultura e enoloxía
O laboratorio traballa en coordinación co resto das áreas vitivinícolas. Aporta os datos relacionados coa calidade e coa seguridade alimentaria dos produtos do sector. Realiza, entre outras, as seguintes determinacións analíticas:
Mostos:
- Grado alcohólico probable: avaliación do contido en azucre do mosto. Refractometría e corrección a temperatura estándar (20ºC).
- Acidez total: neutralización con NaOH 0,1 M con presenza do indicador de viraxe (azul de bromotimol).
- pH: pH – neutro dixital, previo calibrado a 20º C.
- Parámetros colorimétricos
- Ácido málico: reacción enzimática con presenza de NAD (test de Boëhringer) e lectura espectrofotométrica a 340 nm, máximo de absorción da NADH.
- Relación glucosa/frutosa: método enzimático e lectura espectrofotométrica a 340 nm.
- Compoñentes metálicos ( Na, K , Mg , Fe , Cu).
- Fotoespectrometría de absorción atómica.
Viños:
- Grao alcohólico: destilación do viño alcalinizado (suspensión de hidróxido de calcio) e determinación da masa volúmica do destilado por picnometría.
- Densidade estándar: aerometría e corrección mediante tabulación a 20ºC.
- Acidez total: neutralización con NaOH 0,1 M na presenza de indicador de viraxe (azul de bromotinol).
- Acidez volátil: valoración dos ácidos volatis separados por arrastre de vapor de auga e rectificación dos vapores, previa eliminación do dióxido de carbono.
- Sulfuroso libre e total: arrastre do dióxido de xofre con corrente de aire, fixación e oxidación por barboteo en solución neutra e diluída de peróxido de hidróxeno. Valoración do ácido sulfúrico formado con solución valorada de NaOH con presenza de indicador.
- pH: pH – metro dixital e corrección a estándar.
- Extracto seco: determinación indirecta a partir da densidade do viño desalcoholizado.
- Azucres redutores: defecación e valoración con solución 0,1 M de tiosulfato sódico.
- Ácido málico: reacción enzimática con presenza de NAD (test de Boëhringer) e lectura espectrofotométrica a 340 nm.
- Ácido tartárico: método de Rebelein (Lipka & Tanner, 1974), por medición espectrométrica do complexo amarelo-laranxa formado polo ácido tartárico e o vanadato amónico en función da densidade óptica a 530 nm, tomando como referencia a auga.
- Ácido cítrico: método enzimático test UV Boëhringer, referencia 139076, baseado no paso do ácido cítrico a oxalacetato e acetato mediante reacción catalizada por citratoliasa e determinación espectrométrica da NADH formada por absorbancia a 340 nm.
- Ácido láctico: test Boëhringer e lectura espectrométrica a 340 nm.
