Plan integral de regadíos
A planificación dos recursos hídricos e a creación de infraestruturas de rega son os alicerces fundamentais para o mantemento e impulso do potencial agrícola e gandeiro da Limia, xa que se presentan como mecanismos eficaces para:
- Permitir o inicio da diversificación de cultivos, xa que a posibilidade de rega traerá un aumento da area regable nas zonas pataqueiras, posibilitando unha alternativa a tres ou catro anos como base dunha agricultura integrada e mais respectuosa co medio.
- Mellorar os rendementos e a calidade das explotacións e dos produtos, permitindo os labregos limiáns competir nos mercados globais actuais.
- Mellorar a calidade de vida dos agricultores, incrementando as rendas das explotacións ao non ter que depender das fluctuacións no prezo dun único produto, favorecendo ademais a incorporación de xente nova ao campo, e servindo de freo ao abandono do rural.
- Servir para a consolidación definitiva da agricultura na zona, garantindo o seu futuro estable e permitindo con iso o crecemento e a nova implantación de industrias transformadoras agroalimentarias, creadoras de riqueza, emprego e valor engadido para a comarca da Limia.
- Servir de solución dos problemas que xera o actual aproveitamento dos recursos hídricos, especialmente no referente ás extraccións indiscriminadas ás que estan sometidos os principais ríos e acuíferos da comarca, e que impiden a sustentabilidade da agricultura nos actuais tempos.
Máis información no documento seguinte:
A rega na comarca da Limia (3.134 Kb)
