Programas de calidade do leite
Estas axudas teñen como obxectivo apoiar entidades, asociacións de gandeiros e cooperativas que implanten un programa de asesoramento na mellora da calidade do leite producido nas explotacións. Os programas financian o 50% dos gastos derivados da contratación de persoal técnico que asesora en materias como sanidade, manexo dos animais e preparación de muxidoras e de tanques de frío de acordo coas prácticas correctas de hixiene. Asumen tamén gastos en analíticas e outros gastos asociados ao control.
O apoio técnico realízase a través de programas que teñen conxuntamente por finalidade:
- Mellorar o cumprimento das esixencias establecidas no capítulo I, sección IX do anexo II do Regulamento (CE) 853/2004, do Parlamento Europeo e do Consello, de requisitos sanitarios para a produción do leite cru, hixiene das explotacións produtoras de leite e criterios relativos ao leite cru.
- Divulgar e avaliar o grao de cumprimento da guía de prácticas correctas de hixiene no sector produtor lácteo.
Convocatoria das axudas para o ano 2008
Resumo do programa (pdf, 43 Kb) de calidade do leite para o período 2007-2008
Orde das axudas ao financiamento de accións de asesoramento para a mellora e o afianzamento da calidade do leite producido e recollido nas explotacións
Tríptico (pdf, 854 kb) das axudas para ao financiamento de accións de asesoramento para a mellora e o afianzamento da calidade do leite
