Rexistro vitícola
- Que é o rexistro vitícola?
- Normativa reguladora
- Modificación e actualización do rexistro vitícola
- Procedemento
- Solicitudes de actualización/modificación de datos do R.V.
O Rexistro Vitícola é a ferramenta técnica indispensable para o mellor coñecemento da situación real da viticultura.
Trata de reflectir a realidade da superficie cultivada de viñedo e neste senso recolle datos relativos ás explotacións vitícolas, aos seus titulares e ás parcelas que as constitúen (referencia catastral e características agronómicas en canto a variedades de vinífera e ano de plantación, entre outros).
O rexistro vitícola ten como obxectivo servir como instrumento de xestión técnica e administrativa das superficies de viñedo e así mesmo como unha fonte estatística para o desenvolvemento de estratexias sectoriais.
Consta dunha base de datos alfanumérica e cartográfica que reflexa o máis fielmente posible a realidade vitícola dun ámbito xeográfico determinado nun momento dado.
A inclusión dunha parcela no Rexistro Vitícola non presupón pronunciamento sobre a súa situación legal, que virá determinada pola posesión dos correspondentes dereitos de plantación.
Loxicamente o RV é un instrumento "vivo", suxeito aos cambios nas características estruturais e agronómicas das parcelas de viñedo que integran as explotacións vitícolas e a titularidade das mesmas e polo tanto está permanentemente á disposición dos agricultores para calquera actualización/modificación dos datos nel contidos.
Regulamentación comunitaria:
Regulamento (CE) nº 491/2009, do Consello, de 25 de maio de 2009, que modifica ao Regulamento (CE) nº 1234/2007 polo que se crea unha organización común de mercados agrícolas e se establecen disposicións específicas para determinados produtos agrícolas(regulamento único para as OCM). (1,1 Mb)
Reglamento (CE) nº 436/2009, da comisión, de 26 de maio de 2009 polo que se establecen disposicións de aplicación do Regulamento (CE) nº 479/2008 do Consello no que respecta ao rexistro vitícola, as declaracións obligatorias e á recopilación de información para o seguimiento do mercado, aos documentos que acompañan ao transporte de produtos e aos rexistros que se han de levar no sector vitivinícola. (1,3 Mb)
Regulamento (CE) nº 479/2008 do Consello, do 29 de abril de 2008, polo que se establece a organización común do mercado vitivinícola, se modifican os Regulamentos (CE) nº 1493/1999, (CE) nº 1782/2003, (CE) nº 1290/2005 e (CE) nº 3/2008 e derróganse os Regulamentos (CEE) nº 2392/86 e (CE) nº 1493/1999 (323 Kb).
Regulamento (CE) nº 555/2008 da Comisión, do 27 de xuño de 2008, polo que se establecen normas de desenvolvemento do Regulamento (CE) nº 479/2008 do Consello, polo que se establece a organización común do mercado vitivinícola, no relativo aos programas de apoio, o comercio con terceiros países, o potencial produtivo e os controis no sector vitivinícola (446 Kb).
Regulamento (CE) nº 1234/2007, do Consello, de 22 de octubre de 2007, polo que se crea unha organización común de mercados agrícolas e se establecen disposicións específicas para determinados produtos agrícolas (regulamento único para as OCM). (1 Mb)
Regulamentación estatal:
Real Decreto 461/2011, do 1 de abril, po la que se modifican determinados Reais Decretos para a aplicación das medidas do programa de apoio ao sector vitivinícola español, sobre declaracións obligatorias no sector vitivinícola e polo que se regula o potencial de producción vitícola. (436 Kb)
Real Decreto 1244/2008, do 18 de xullo, polo que se regula o potencial de produción vitícola (898 Kb).
Real Decreto 373/2003 do 28 de marzo, de medidas urxentes no sector vitivinícola (216 Kb), (derrogados polo RD 1244/2008 os números do 1 ao 6 do artigo primeiro).
Lei 24/2003 do 10 de xullo, da viña e do viño (99 Kb).
Regulamentación autonómica:
Decreto 21/2009, do 29 de xaneiro, polo que se crea a Reserva galega de dereitos de plantación de viñedo. (41 Kb)
Decreto 288/2009, do 7 de maio, polo que se establece o procedemento para a regularización de superficies de viñedo na Comunidade Autónoma de Galicia. (112 Kb)
Orde do 19 de xuño de 2001 pola que se regulan diferentes aspectos do potencial de produción vitícola (619 Kb).
3. Modificación e actualización 
A propia dinámica do sector vitícola, que somete as súas superficies a continuos cambios por arrinques, transferencias de dereitos, programas de reestruturación e reconversión do viñedo ou ben pola simple transmisión da propiedade, supón que o rexistro vitícola está suxeito a cambios ou actualizacións.
Por outra parte a complexidade da elaboración desta "oto fixa" que pretende ser o R.V. trae consigo a inclusión de distintos erros que deben ser corrixidos mediante unha modificación permanente e non suxeita a prazos.
Trátase, por tanto dun instrumento dinámico, que non quita nin dá dereitos, pero que é moi importante que mellore constantemente na súa fiabilidade.
Modelo ficha do rexistro vitícola (34 Kb)
A ficha do rexistro vitícola
Polo xeral, todo viticultor, debe posuír a ficha do rexistro vitícola que acredita a súa explotación.
Onde solicitar a ficha?
Todo viticultor poderá solicitar calquera aclaración sobre a súa ficha do rexistro no Servizo de Explotacións Agrarias da súa provincia ou na Oficina Agraria Comarcal correspondente, onde se lle facilitará unha copia da mesma.
Cal é o prazo para as modificacións/actualizacións das fichas?
Non existe prazo algún. Pódese realizar permanentemente a súa actualización, se é o caso, dos datos erróneos ou que tivesen cambiado. O rexistro vitícola está sempre á disposición dos agricultores para calquera consulta, actualización ou modificación.
Como corrixir os datos da ficha vitícola?
Todo viticultor que o considere necesario, deberá presentar solicitude de actualización/modificación dos datos do rexistro para corrixir calquera erro que apareza reflectido na súa ficha vitícola e solicitará as mesmas preferentemente nas Oficinas Agrarias Comarcais en impreso oficial a tal efecto segundo o modelo publicado como anexo I da citada Orde do 19 de xuño de 2001, e se é o caso, achegando debidamente a documentación xustificativa conforme ao disposto nela.
A competencia para o establecemento do Rexistro Vitícola comunitario correspondeulle aos Estados Membros da Unión Europea. Foi o Ministerio de Agricultura, Pesca e Alimentación (MAPA) o encargado da súa realización no estado español, e ademais se debía ocupar da súa actualización regular.
Dende a entrada en vigor da lei estatal da Viña e do Viño (Lei 24/2003, de 10 de xullo) a Comunidade Autónoma de Galicia é responsable do seu mantenemento e actualización, sendo responsable da súa xestión o Servizo de Explotacións Agrarias da Subdirección Xeral de Apoio ás Explotacións Agrarias dentro da Dirección Xeral de Producción Agropecuaria da Consellería do Medio Rural e do Mar.
5. Solicitudes de actualización/modificación de datos
Estas solicitudes están deseñadas para tramitar:
- altas e baixas de parcelas
- modificacións dos datos das mesmas
- transmisións da súa titularidade ou propiedade
Altas e baixas de parcelas
1. As solicitudes de baixa que impliquen unha alta ou viceversa deberanse presentar á vez, e ademais:
- Cando se produzan por cambio de viticultor (explotador) e non impliquen a transmisión da propiedade, abonda coa presentación da solicitude de baixa asinada polo explotador actual e a solicitude de alta asinada polo novo explotador. Non se poderán asinar por orde.
- Cando impliquen o cambio de titularidade da propiedade, será necesario achegar documento público ou documento privado liquidado de impostos.
2. No caso de que se solicite a alta de parcelas por parte dun viticultor e non exista a "baixa", terase en conta o seguinte:
- Se a parcela está asignada a un descoñecido na base de datos do rexistro vitícola, comprobarase a coincidencia dos datos e, feitas as oportunas modificacións, no seu caso, adxudicarase a parcela ao solicitante.
- Se a parcela está a nome doutro viticultor, a este daráselle audiencia, e se presenta a baixa a parcela pasará ao solicitante da alta. Se o devandito titular non resposta, poderase dar de alta ao solicitante sempre que presente algún documento que acredite que é o explotador.
- Se a parcela non aparece como viñedo no rexistro, deberase comprobar que non existen erros de identificación e se comprobará a súa existencia en campo polo técnico do Servizo de Explotacións Agrarias ou da Oficina Agraria Comarcal.
- Como base documental empregarase:
- plano catastral emitido e certificado pola Xerencia Territorial do Catastro
- fotografía aérea coa certificación da data do voo (polo organismo depositario dos fotogramas). Excepcionalmente, poderase eximir da presentación da foto aérea certificada cando do informe técnico e da inspección en campo se desprenda claramente a antigüidade do viñedo e se reflicta nun certificado do técnico da Oficina Agraria Comarcal ou do Servizo de Explotacións Agrarias.
- informe técnico asinado e visado por técnico competente.
3. Cando se solicite baixa e non se teña presentada a alta desa parcela, pasará a descoñecido no rexistro.
- A solicitude de baixa pode ser como explotador e/ou propietario, polo que a alta respectiva, cando se solicite polo verdadeiro explotador, se é o caso, deberase realizar utilizando base documental que no caso de afectar á propiedade será de carácter público ou privado liquidado de impostos.
4. A baixa por ter desaparecido o viñedo na parcela, tras comprobar a inexistencia de dereitos de replantación, reflectirase na base de datos do rexistro a solicitude do titular ou ben de oficio, como consecuencia de inspeccións de campo, dando audiencia ao explotador teórico.
1. Do titular, explotador ou viticultor
- A modificación da titularidade como explotador dunha parcela efectuarase mediante o procedemento de alta/baixa de parcelas descrito no apartado anterior
2. Do propietario
- A modificación do propietario dunha parcela efectuarase dando audiencia ao antigo propietario e coa sinatura polas dúas partes da solicitude de modificación, debéndose achegar a documentación que acredite a propiedade.
- Se o anterior propietario non atende á notificación ou non asina en persoa a solicitude, os documentos deberán ser públicos ou privados liquidados de impostos.
3. Da superficie
- Cando unha solicitude de actualización faga referencia a unha parcela catastral na que se cuestiona a súa superficie deberase achegar con ela un plano catastral emitido e certificado pola Xerencia Territorial do Catastro. Se a superficie de viñedo non ocupa a totalidade da parcela acompañarase á solicitude un esbozo acoutado.
- Se ao analizar a solicitude permanecen dúbidas ao respecto esixirase un informe de técnico competente visado.
4. Da data de plantación
- Ás solicitudes que supoñan rectificación de erros na data de plantación esixiráselles un plano catastral emitido e certificado pola Xerencia Territorial do Catastro e un informe do técnico competente, visado polo correspondente Colexio Profesional, que inclúa fotografía aérea, onde figure a certificación da data de realización do voo polo organismo depositario dos fotogramas. Na mesma, observarase sen xénero de dúbida a plantación actualmente existente.
5. Das variedades de vinífera
- As solicitudes de corrección de datos que supoñan cambios dunha variedade a outra que se atopen incluídas en grupos distintos de entre os establecidos no anexo IV do Real Decreto 1472/2000, do 4 de agosto (variedades autorizadas ou recomendadas para a Comunidade Autónoma de Galicia) deberán achegar informe de técnico competente, visado polo Colexio Profesional.
Clasificación viníferas Galicia 2011 (18 Kb)
- As actualizacións do rexistro como consecuencia da transmisión entre os titulares efectuaranse reflectindo como altas e baixas a modificación ademais de cumprimentar o apartado de transmisións. En todas as transmisións esixiranse documentos públicos ou privados liquidados de imposto e a solicitude de actualización firmada conxuntamente.
- Como norma xeral, cando o Servizo de Explotacións Agrarias o estime conveniente para esclarecer a realidade de superficie vitícola en cuestión (asentamento, propietario, explotador, etc.) deberase aportar o plano catastral certificado pola Xerencia Territorial de Catastro correspondente.
- A toda solicitude de actualización de datos do Rexistro Vitícola deberase acompañar, ademais da documentación especificada para cada caso, a copia do D.N.I. e a copia da ficha vitícola que se pretende actualizar e un informe favorable do técnico da Oficina Agraria Comarcal ou do Servizo de Explotacións Agrarias que dá trámite á solicitude.
- A existencia de documentos oficiais de arrinque (A), transferencia (T), plantación substitutiva (PS) ou plantación (P) pode ser documentación suficiente para resolver favorablemente algunha solicitude de actualización, se de dito documento se desprende a circunstancia sen lugar a dúbidas.
- A inclusión dunha parcela no rexistro vitícola non presupón, en ningún caso, pronunciamento algún sobre a súa situación legal, que virá determinada pola posesión dos correspondentes dereitos de plantación.
