Serra do Candán

Serra de mediana altitude que conta con notables extensións de matogueira e pradeiras (con afloramentos rochosos), xunto con pequenas carballeiras de Quercus robur. Ten ademais superficies de turbeiras e torgueiras con esfagno, Sphagnum pylaisii. A altura máxima do espazo é de 1.014 m s.n.m., sendo a media de 708 m s.n.m.

A área pertence á rexión eurosiberiana, provincia atlántica-europea e subprovincia cántabro-atlántica, adscribíndose ao sector galaico-portugués.