Carnota - Monte Pindo
O LIC, complexo desde o punto xeográfico e ecolóxico, comprende dúas grandes áreas ben diferenciadas. En primeiro lugar encontrámonos cunha fronte costeira duns 14 km de lonxitude, que abarca desde a praia de Xaxebe, nas proximidades de Portocubelo, no seu extremo meridional, ata a punta de Porto de Quilmas, no seu extremo setentrional, ambas as dúas no concello de Carnota, e que engloba o complexo litoral de Carnota e Caldebarcos. Neste tramo están tamén comprendidas as illas Lobeiras, así como multitude de baixíos rochosos, e unha extensión de 438 ha de augas mariñas que cobren principalmente fondos por encima dos 10 m de profundidade. En segundo lugar temos o macizo dos montes do Pindo, a desembocadura do Xallas na ría de Ézaro e unha parte dos montes de Buxantes, la más próxima a la costa, que se estenden polo extremo norte do espazo natural, nos concellos de Dumbría e Cee. A área posúe unha excepcional beleza paisaxística, inzada de elementos xeomorfolóxicos singulares, aínda que desafortunadamente se ve fortemente afectada polos incendios forestais e os aproveitamentos hidroeléctricos.
