Uz moura (Erica aragonensis)

Función

As formacións desta especie ou outros breixos configuran un estrato que intervén na fixación do chan nas zonas de pendente sobre as que se instala; tamén serve de refuxio para determinado tipo de aves, entre as que podemos citar as papuxas (Sylvia spp.), o escribenta riscada (Emberiza cia), acentor común (Prunella modularis), a gatarfonela (Circus cyaneus) e a tartaraña cincenta (C. pygargus), etc. Basicamente a súa función é de tipo estrutural. En certas zonas da nosa xeografía, como por exemplo O Courel, configura a fisionomía da maior parte da paisaxe, sendo polo tanto tamén un elemento estético importante nas zonas onde se dan as maiores extensións de breixo.