Troita común (Salmo trutta)

Función

Esta especie ten un importante papel na cadea trófica. Por unha parte como consumidor de, fundamentalmente, macroinvertebrados bentónicos (tricópteros, efemerópteros, plecópteros, dípteros,...), intervindo activamente no control e funcionamento das poboacións destas especies que, ao mesmo tempo, tamén constitúen especies clave nos ecosistemas fluviais. Por outra banda, serven de alimento a outras especies: os alevíns son presas de invertebrados como larvas de ditíscidos ou odonatos, mentres que os exemplares subadultos ou adultos forman parte da dieta de aves (garzas, picapeixe, miñatos, etc.) e mamíferos como a lontra (Lutra lutra). Ademais, e dadas as súas esixencias ecolóxicas, é utilizada en moitos casos como bioindicador da calidade da auga.