Sphagnum pylaisii (Sphagnum pylaisii)

Función

Forma un substrato vexetal que axuda ao mantemento estrutural doutro tipo de vexetación, entre a que figuran moitas especies de carácter higrófilo; ademais, este substrato muscinal proporciona un reservorio de humidade en épocas máis secas. A superficie porosa do brión permite tamén a acumulación de grandes cantidades de minerais, os cales finalmente pasan a formar parte destes medios pobres en nutrientes. En xeral, estas funcións son desempeñadas por outros moitos brións do xénero Sphagnum (S. papillosum, S. auriculatum, S. compactum). Trátase de plantas con características fisiolóxicas e de crecemento capaces de modificar profundamente o substrato sobre o que se instalan.