Acivro (Ilex acuifolium)
Hábitat
O acivro en Galicia é unha especie frecuente nos estratos arbustivo e subarbustivo dos bosques instalados sobre chans ácidos. Ás veces forma masas monoespecíficas, como por exemplo na Serra dos Ancares e Manzaneda-Invernadeiro. É unha especie típica do piso montano, baixo ombroclima húmido e hiperhúmido e supramediterráneo húmido, e do piso colino húmido e hiperhúmido.
Función
Especie de alto valor ecolóxico que lles ofrece refuxio e alimento en inverno a moitas especies de animais silvestres, entre os que cabe citar os leiróns careto (Eliomys quercinus) e gris (Glis glis), o corzo (Capreolus capreolus) e, onde a haxa, a pita do monte cantábrica (Tetrao urogallus). O seu froito madura nunha época do ano en que o alimento escasea, polo que esta especie xoga un importante papel trófico nos meses máis desfavorables para a fauna.
En certos casos, parece actuar como etapa subserial das carballeiras e bidueirais montanos.
Ficha (31 Kb)
Nome común
Acivro
Nome científico
Ilex acuifolium
Clase
Plantas superiores
Familia
Aquifoliaceae
