Woodwardia radicans (Woodwardia radicans)
Descrición
Fieito perenne, chega a medir ata máis de 2 m, con rizoma groso, oblicuo, densamente revestido de grandes escamas. Frondes de gran tamaño, de ata 2,5 m, arqueadas, pecíolo glabro, pardo-arroibado, densamente revestido de escamas semellantes ás do rizoma e anegrazado na súa base. Láminas de triangular a ovado-lanceoladas, divididas en numerosos segmentos alternados, longos e estreitos.
Soros oblongos, formando filas paralelas aos nervios; o indusio que recobre os soros é convexo, coriáceo. Os esporanxios están formados por esporas ovoideas, de cor amarela.
Reprodución
Mediante esporas.
Hábitat
Podemos atopalo en bosques de ribeira, vales costeiros, sombreados e de ambientes húmidos. É unha planta humidícola e acidófila, termófila en certo grao.
Distribución
Entre outros lugares, o norte da península Ibérica, sendo pouco abundante en Galicia (A Coruña).
Estado de conservación
Ameazada principalmente pola corta dos bosques de ribeira en que habita.
Categoría de conservación
Vulnerábel.
Ficha (35 Kb)
