Hymenophyllum tunbrigense (Hymenophyllum tunbrigense)
Descrición
Este fieito de pequeno tamaño (3-10 cm) presenta un rizoma delgadísimo e filiforme, do que nacen as folliñas (frondes) con láminas pinnatisectas moi delgadas. O indusio que protexe os esporanxios está formado por dúas valvas membranosas case redondeadas, polo que os soros se parecen a pequenas bolsas.
Reprodución
Mediante esporas. A maduración das esporas ten lugar entre abril e setembro.
Hábitat
Vive en sitios de escasa altitude, sombríos e húmidos, sobre rochas ácidas, troncos, arroios e normalmente entre brións.
Distribución
Na península Ibérica só habita na cornixa cantábrica (A Coruña, Oviedo, Navarra, Santander e San Sebastián).
Estado de conservación
Ao vivir en hábitats moi concretos, as modificacións no arboredo poden alterar o microclima ata imposibilitar a súa supervivencia.
Categoría de conservación
Vulnerábel.
Ficha (39 Kb)
