Pernalonga (Himantopus himantopus)
Descrición
Deseño característico e inconfundible. O macho adulto ten o bico, as ás e a parte superior do corpo de cor negra. O resto do corpo é de cor branca. As patas, moi longas e delgadas, son de cor vermella. O bico é longo e fino. En época nupcial, desenvolve unha zona negra na parte superior da cabeza e do cocote. A femia é igual, aínda que máis acastañada.
Reprodución
Aniña en pequenas colonias, en depresións do chan preto das augas superficiais de lagoas. A mediados da primavera poñen unha única posta de 3-5 ovos que incuban ambos os proxenitores. Os polos camiñan ao pouco tempo de nacer.
Alimentación
Insectos, moluscos, crustáceos e pequenos peixes.
Hábitat
Estuarios, marismas, lagoas costeiras e de interior, encoros...
Distribución
A súa presenza no noso territorio e case testemuñal. Vese especialmente no verán, aínda que tamén pode aparecer nos pasos de primavera e outono.
Estado de conservación
Ameazada pola destrución e alteración do seu hábitat, como o desecamento de lagoas e zonas húmidas, a presión urbanística e o turismo...
Categoría de conservación
Vulnerábel.
Ficha (25 Kb)
