Eunicella verrucosa (Eunicella verrucosa)
Descrición
Especie colonial de ata 60 cm de altura, erguida, flexible e moi ramificada nun só plano, orixinando formacións arbustivas. A colonia de cor branca fíxase ao substrato por unha placa basal de gran tamaño. A cortiza presenta abundantes espículas de dous tipos: unhas alongadas cos extremos aguzados e outras con forma de maza.
Reprodución
Reprodúcese en xuño e xullo por medio de ovos, dos que eclosionan unhas larvas planctónicas libres.
Alimentación
As colonias adoitan orientarse de forma perpendicular á corrente para captar mellor o alimento. A súa alimentación é a base de plancto.
Hábitat
Aparece en fondos rochosos ou detríticos onde se fixan a rocas e a substratos duros, chegando ata profundidades de 200 m (máxima profundidade compatible coa existencia de algas multicelulares adaptadas a luminosidade escasa).
Distribución
Mediterráneo e Atlántico.
Estado de conservación
O arranque de colonias derivado da ancoraxe de embarcacións, de determinadas artes de pesca ou dunha recolección como obxecto decorativo polos mergulladores son algunhas das súas ameazas.
Ficha (37 Kb)
