Estroza (Hyla arborea)
Descrición
Anfibio de pequeno talle, de ata 5 cm. O seu corpo é ovalado, con cabeza ancha e ollos grandes con destacados iris de cor dourada. Facilmente recoñecibles pola súa intensa cor verde brillante, aínda que é capaz de cambiar a súa cor do verde ata o pardo. Presenta extremidades esveltas e dedos provistos de ventosas grazas ás cales gabea facilmente pola vexetación.
Reprodución
O período reprodutor iníciase en primavera en lugares de auga doce e con abundante vexetación. O apareamento ten lugar cando o macho consegue atraer unha femia co seu canto, inchando para isto un saco vocal durante a noite. En realidade, a femia deposita paquetes de ata un millar de ovos, os cales son fecundados externamente polo macho. A cópula ten lugar mediante amplexus axilar (os machos agárranse firmemente ao lombo das femias nun forte abrazo polas axilas destas).
Alimentación
A súa dieta está composta de grilos, moscas e mosquitos, bolboretas, formigas, libélulas e eirugas. Pasa a maior parte da súa vida empolicada en follas e ramas á caza destes pequenos invertebrados.
Hábitat
Habita invariablemente en lugares húmidos, onde abunda a vexetación herbácea e arbustiva ás marxes de charcas, lagoas ou ríos de correntes lentas.
Distribución
Ao igual que ocorre coas poboacións europeas, a especie sofre en toda España unha continuada regresión e en poucas ocasións detéctanse poboacións abundantes. Distribúese en Galicia en zonas húmidas con abundante vexetación.
Estado de conservación
As principais ameazas residen na destrución e desecamento dos medios acuáticos que require para a reprodución, agravado todo isto pola súa querenza a tipos moi concretos de hábitats. Os pesticidas alteran a metamorfose afectando a viabilidade das larvas.
Categoría de conservación
Vulnerábel.
Ficha (35 Kb)
