D.X. "Augardente de Herbas de Galicia"
Produto protexido
A D.X. Augardente de Herbas de Galicia protexe esta bebida espirituosa tradicional elaborada en instalacións inscritas nos rexistros do consello regulador, obtida a partir de augardentes amparadas pola denominación xeográfica Orujo de Galicia/Augardente de Galicia, mediante maceración e/ou destilación do alcohol en presenza das herbas que a caracterizan.
Orixe
Tanto a elaboración como o embotellado das augardentes de herbas deberá ser realizado no territorio da Comunidade Autónoma de Galicia.
Características
A “Augardente de herbas de Galicia” deberá ter un contido en azucres inferior a 100 gramos por litro. A súa graduación alcohólica oscila entre os 37,5 e 50% Vol.
Na elaboración da augardente de herbas de Galicia empregaranse un mínimo de tres plantas de entre as que se relacionan a continuación: menta, macela, herba luísa, romeu, ourego, tomiño, coandro, azar, fiúncho, regalicia, noz moscada e canela.
Presentación
En envases provistos de etiqueta na que se fai mención á Denominación Xeográfica “Augardente de Herbas de Galicia” e con contraetiqueta numerada expedida polo Consello Regulador.
Regulamentación
- A Orde da Consellería de Agricultura, Gandería e Política Agroalimentaria do 15 de febreiro de 1999 (DOG 1.03.99), aproba o Regulamento da D.E. Orujo de Galicia e do seu Consello Regulador, que foi modificado por: Orde do 4 de maio de 2001 (DOG 15.05.01), Orde de 8 de setembro de 2004 (D.O.G. 04.10.04), e Orde de 22 de febreiro de 2005 (D.O.G. 02.03.05), pola que se inclúe este produto no ámbito de protección do regulamento.
- Orde do MAPA do 21 de xuño de 2001 (BOE 11.07.01) que ratifica o regulamento da Denominación Específica Orujo de Galicia e do seu Consello Regulador; e Orde APA 2668/2005 do 20 de xullo de 2005 (B.O.E. 15.08.05) que ratifica a modificación que introduciu este produto dentro do ámbito de protección do regulamento.
Datos técnicos
Produción (2007): 2.050 litros
Ficha técnica 2010 (16 Kb)
Pazo de Quián, s/n
15881 Sergude – Boqueixón
A Coruña
Tel.: 981 511 566
Fax: 981 511 934
E-mail: 
Web: www.orujodegalicia.org
