Sinistros de gando e agrícolas
Sinistros de gando
No caso dos sinistros de gando existe un único telefono gratuíto para a comunicación dos sinistros
900 900 420
Este teléfono presta atención persoal de 8:00 a 20:00, de luns a venres, e de 8:00 a 15:00 o sábado e o domingo, existindo o resto do día un servizo de contestador telefónico.
No caso dos seguros de recollida de cadáveres de bovinos ou non bovinos solicítanse os seguintes datos:
- Tipo de animal
- DI e nome do asegurado
- Concello, parroquia e lugar
- Teléfono
De tratarse dalgunha modalidade de seguro de explotación poden solicitarse datos adicionais como:
- Crotal (no caso de animais que estean identificados)
- Data de nacemento e/ou morte
- Momento no que comezou a causa que o orixina
- Causa do sinistro
Nalgúns casos pode ser necesario manter o animal ou os seus restos 72 horas dende a súa notificación urxente para que o perito dispoña de tempo para a súa peritación ou para unha eventual necropsia.
Sinistros agrícolas
No caso dun sinistro nunha parcela agrícola existen dúas formas de tramitación:
1. Tramitación xeral de avisos de sinistros.
- Débese presentar por escrito -unha única vez e indicando só as parcelas afectadas-, na oficina de peritación da delegación Noroeste, empregando o correo ou ben en man, limitando na medida do posible o uso do fax.
2. Tramitación por transmisión telefónica de avisos de sinistros (recomendada).
- En calquera entidade, axente, tomador, oficina comercial autorizada polo departamento de explotación de Agroseguro, pódese proceder á elaboración dun ficheiro electrónico cos datos do sinistro que logo se transmitirá por vía telefónica, axilizando a súa tramitación.
